Autoritetet në Greqi janë alarmuar ditën e sotme, pasi disa telefonata anonime në televizionet kanë dhënë alarme për bomba.
Sipas mediave vendase, raportohet se shpërthimi do të ndodhë në godinat e tre ambasadave në Athinë, konkretisht në atë të Izraelit, Egjiptit dhe Amerikës. Shpërthimet thuhet se do ndodhin në orën 11:30, teksa televizioni “SKAI”, raporotn se bomba do të shpërthejë në ambasadën amerikane, “OPEN” në ambasadën e Egjiptit dhe “Kontra” se bomba do të shpërthejë në ambasadën izraelite.
Forcat TEEM (Departamenti i Asgjesimit të Mjeteve Eksplozive) ndodhen në vendngjarje. Pas kontrollit jashtë ambasadave nuk u gjet asgjë, teksa vijon kontroll i brendshëm./O.S
