A do i kërkojë njohjen e Kosovës/ Rama flet për takimin me Zelensky

113 563 lexime

124,178FansaPëlqeje

Ndërsa presidenti i Ukrainës Volodymyr Zelensky, pritet të vijë në Shqipëri, kryeministri Edi Rama ka folur rreth pritshëmrive të tij për këtë takim si dhe për dy samitet që do të zhvillohen në dy ditët në vijim. Në një intervistë për Euronews Albania, Rama tha se ideja për të organizuar samitin lindi pas një bashkëbisedimi me presidentin ukrainas dhe duke qenë se edhe ftesat i kishin dërguar së bashku, ky mund të quhet një samit i të dy vendeve. I pyetur nëse do t’i kërkojë njohjen e Kosovës nga Ukraina, Rama nuk dha një përgjigje të drejtpërdrejtë.

“Dëgjoni, gjëja më e fisme që Kosova po bën është se po tregohet besnike ndaj vlerave të saj. Kjo e nderon Kosovën dhe nuk bëhet për të përfituar diçka. Kosova po bën gjënë e duhur, fillimisht për veten e saj, sa i takon besnikërisë ndaj vlerave të saj. Sigurisht, rruga drejt njohjes nga Ukraina është e gjatë, por është pozitive që Kosova do jetë pjesëmarrëse. Presidentja Osmani ju përgjigj shumë shpejt ftesës dhe do të jemi të gjithë së bashku aty. Pavarësisht mosmarrëveshjeve, çështjeve të ndërlikuara mes vetes, të gjithë do të jenë aty me Ukrainën, për diçka që na lidh të gjithëve, në mënyra të ndryshme” – tha Rama.

I pyetur nëse gjatë samiteve do të kishte ndonjë mundësi për afrimin e përfaqësuesve të Kosovës dhe Serbisë, sërish Rama nuk dha ndonjë përgjigje.

“Në njërën anë, sidomos gjatë ditës së dytë që është samiti me BE-në për planin e rritjes, kjo është një mënyrë për t’u ulur së bashku duke lënë mënjanë çështjet dypalëshe, sa i takon mosmarrëveshjeve politike, nën një kauzë që është e përbashkët. Plani i ri i rritjes ka një veti, ai kushtëzohet nga situatat e ndryshme në secilin shtet. Nuk ka drekë falas me Bashkimin Europian. Ka drekë falas në Shqipëri, por jo në BE.

Ndaj, duhet të përmbushen kushtet dhe një kusht që është i pamundur të ndahet nga i gjithë rrugëtimi i planit të ri të rritjes është plotësimi i çdo hapi kur bëhet fjalë për marrëdhëniet fqinjësore, jo vetëm në rrafsh politik por në radhë të parë për lëvizjen e lirë. Nuk mund të kërkosh më shumë nga Europa dhe nga tregu i përbashkët europian nëse nuk mund të sillesh si një shtet europian dhe nuk hap kufijtë për të gjithë. Kjo është ajo që Kosova dhe Serbia duhet të bëjnë, përndryshe nuk do të marrin atë që ju takon sipas planit të rritjes” – tha Rama./O.S

Të fundit

Elisa Spiropali e ftuar nderi në Parlamentin e Austrisë

Kryetarja e Kuvendit, znj. Elisa Spiropali, ishte sot e ftuara e nderit në Mëngjesin e Lutjeve në Parlamentin e...

Pse operacioni u zhvillua pas zgjedhjeve? Ja si përgjigjet kreu i SPAK, Altin Dumani

Kreu i SPAK, Altin Dumani tha se operacioni ndërkombëtar kundër trafikut të drogës, ku u godit një grup kriminal shqiptar nuk ka lidhje me...

Moti i keq/ Pezullohet lundrimi i mjeteve të vogla në Vlorë!

Për shkak të reshjeve të shiut që kanë përfshirë të gjithë vendin tonë, në Vlorë është ndaluar lundrimi për disa mjete për sot dhe...

E rëndë në Tiranë! Gjendet pa shenja jete një 24-vjeçar në liqenin e Farkës

Një ngjarje e rëndë ka ndodhur ditën e djeshme në liqenin e Farkës ku është gjetur pa shenja jete një 24-vjeçar. Dyshohet se viktima është...

AKEP: 92% e familjeve kishin internet fiks në 2024

Autoriteti i Komunikimeve Elektronike dhe Postare (AKEP) vlerëson se rreth 92% e familjeve shqiptare kishte internet me linja fikse në fund të vitit të...

Lajme të tjera

Web TV