Nëse Emmanuel Macron dërgon trupa në Ukrainë, ata do të kenë të njëjtin përfundim si ushtria e Napoleon Bonapartit, pushtimi i të cilit në 1812 në Rusi përfundoi me vdekje dhe disfatë, ka paralajmëruar një aleat i Vladimir Putinit.
Vyacheslav Volodin, kryetari i Dumës së Shtetit, sulmoi presidentin francez pasi ai refuzoi të përjashtonte mundësinë e vendosjes së trupave në terren në Ukrainë të hënën.
Molodin tha se Macron dukej se e shihte veten si Napoleoni dhe e paralajmëroi atë të mos ndiqte gjurmët e perandorit francez.
“Për të ruajtur pushtetin e tij personal, Macron nuk mund të mendonte asgjë më të mirë se sa të ndezte një Luftë të Tretë Botërore.
Iniciativat e tij po bëhen të rrezikshme për qytetarët e Francës,” tha Volodin.
“Përpara se të bënte deklarata të tilla, do të ishte e drejtë që Macron të kujtonte se si përfundoi për Napoleonin dhe ushtarët e tij, më shumë se 600,000 prej të cilëve mbetën të shtrirë në tokë të lagësht”.
Çfarë ndodhi në pushtimin e Rusisë nga Napoleoni në 1812?
Pushtimi i Rusisë nga Napoleoni në 1812 bëri përparim të shpejtë fillimisht dhe pushtoi Moskën.
Por taktikat ruse e detyruan Grande Armee-n e tij në një tërheqje të gjatë dhe qindra mijëra njerëz të tij vdiqën si pasojë e sëmundjeve, urisë dhe të ftohtit./O.S
