Jennifer Lopez, tashmë e martuar me aktorin Ben Affleck, zbulon se ka qenë viktimë e dhunës në familje në dokumentarin e saj të ri “The Greatest Love Story Never Told”.
“Të të trajtojnë ashtu, nuk është kënaqësi. Nuk kam qenë kurrë në një lidhje ku jam rrahur, faleminderit Zotit, por patjetër që jam sulmuar dhe goditur dhe disa gjëra të tjera të pakëndshme. Të përafërta. Mosrespektuese”.
Ndër lidhjet e saj të mëparshme, JLo, 54 vjeçe, ka qenë e martuar tre herë dhe është lidhur me disa të famshëm. Megjithatë, ajo nuk sqaroi se kush e kishte keqtrajtuar.
“Ka pasur njerëz në jetën time që thoshin ‘të dua’ dhe më pas nuk bënin gjëra që ishin në përputhje me fjalën dashuri. Duhet të arrish fundin, kur je në situata kaq të pakëndshme dhe aq të dhimbshme sa më në fund thua ‘Nuk e dua më këtë’”, shtoi ajo më tej./E.Ç
