“Isha në makinën time”/ Zbardhet dëshmia e shkodranit që iu bë atentat

113 563 lexime

124,178FansaPëlqeje

Detaje të reja janë zbardhur në lidhje me ngjarjen e ndodhur pak më parë në Shkodër, ku është qëlluar me armë zjarri pistoletë në drejtim të shtetasit Gent Larushku i cili nuk është plagosur duke i shpëtuar plumbave.

Ngjarja ndodhi rreth orës 17:30 në zonën e Vinotekës në njësinë Rrethina të bashkisë Shkodër. Shtetasi Gent Larushku pretendon se është qëlluar nga një person që po lëvizte me biçikletë në një rrugicë në afërsi të banesës së tij. Ky shtetas arriti që t’i shpëtojë plumbave, ndërsa dyshohet se automjeti i tij është qëlluar me një plumb në pjesën e pasme.

Menjëherë në vendngjarje mbërritën forcat e policisë duke nisur hetimet. Efektivët morën në pyetje shtetasin Gent Larushku i cili deklaroi versionin e tij të ngjarjes.

Isha në makinën time afër shtëpisë kur një person që nuk arrita ta njoh për shkak edhe të errësirës më qëlloi me pistoletë. Fatmirësisht arrita të shpëtoj. Ai u largua menjëherë dhe nuk arrita që ta njoh. Nuk e di arsyen e kësaj ngjarje sepse nuk kam konflikte me askënd dhe nuk e di kush mund të jetë autori” deklaroi Larushku i cili është shoqëruar në komisariat për sqarime të mëtejshme.

Ndërkohë policia ka sekuestruar dy gëzhojat e plumbave të pistoletës në cilësinë e provës materiale dhe automjetin me të cilin po lëvizte Larushku për hetime të mëtejshme. Në vendin e ngjarjes ku u qëllua me armë nuk ka kamera sigurie ndaj edhe mbetet e vështirë për momentin identifikimi i autorit të dyshuar. Ndërkohë banorët që kanë shtëpitë shumë afër vendit të ngjarjes deklaruan se kanë dëgjuar të shtënat.

Janë ende të paqarta arsyet e kësaj ngjarje ndërsa policia vijon hetimet për zbardhjen e plotë dhe për identifikimin, gjetjen dhe kapjen e autorit.

Lexo edhe :  Mbërrin në Durrës anija e parë muze që lëviz nëpër botë

Njoftimi i policisë:

Shkodër/Informacion paraprak

Rreth orës 16:35, në fshatin Grude e Re, një shtetas ende i paidentifikuar, dyshohet se ka qëlluar me armë zjarri pistoletë në drejtim të bagazhit të automjetit të shtetasit G. L., 35 vjeç, banues në fshatin Grude e Re, Shkodër.

Shërbimet e Policisë kanë shkuar menjëherë në vendngjarje.

Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit./O.S

Të fundit

Mblidhen biznesmenët e Diasporës, Ethem Aga përfaqësues nga Shqipëria

Rrjeti Ndërkombëtar i Biznesmenëve të Diasporës u mblodh sot në Prishtinë për të diskutuar mbi bashkëpunimin në fushën e...

Si të shmangni gabimet në fletën e votimit

Tre janë format korrekte të votimit në 11 maj, dhe rregullat janë të njëjta, si për ata që do të votojnë brenda vendit, si...

Iceneratori i Tiranës/ SPAK kërkon 26 vite burg për 8 të pandehurit, Simixhi letër GJKKO

Vijon mbrojtja e të pandehurve në Gjykatën e Posaçme, para se të shpallet verdikti. Të akuzuarit kërkojnë pafajësinë, mes tyre ish-drejtori Taulant Tushe dhe...

Zhdukja e 27-vjeçarit në Has, humb gjurmët edhe babai që doli për ta kërkuar

Një 27-vjeçar rezulton i zhdukur që prej pasdites së të dielës, kur vendi u përfshi nga reshje të pazakonta bore. Ajet Lleshi nga fshati Kishaj...

Një mi gjigant afrikan vendos rekord botëror në zbulimin e minave

Edhe pse zakonisht minjtë nuk gëzojnë ndonjë reputacion të mirë, Ronin, një mi afrikan i përmasave të mëdha, po ndryshon tërësisht perceptimin që kemi...

Lajme të tjera

Web TV