Ka përfunduar mbledhja e Konferencës së Kryetarëve mes Partisë Socialiste dhe opozitës së bashkuar të drejtuar nga “Rithemelimi”.
Palët kanë arritur marrëveshje, për të ngritur Komisionin Hetimor në Shëndetësi dhe Komisionin Hetimor për nxjerrjen e të dhënave të sistemit TIMS. Kujtojmë që mbledhja nisi në orën 16:00.
Komisioni Hetimor do të përbëhet nga 15 anëtarë, nga të cilët kryetari dhe 6 anëtarë propozohen nga Grupi Parlamentar i Rithemelimit dhe 8 anëtarë propozohen nga Grupi Parlamentar i PS-së. Përbërja e Komisionit caktohet me vendim të veçantë të Kuvendit. Komisioni Hetimor do të zhvillojë veprimtarinë e tij në afat kohor prej 4 muajsh, nga data e miratimit të vendimit.
Në rast nevoje, me kërkesë të arsyetuar të Komisionit, Kuvendi vendos zgjatjen e afatit të ushtrimit të veprimtarisë së komisionit./O.S
