Aktorja e njohur Nicole Kidman është kthyer 10 vite pas në kohë dhe ka kujtuar një moment të çuditshëm gjatë jetës së saj. Ajo ka pranuar se filloi të qeshte në mënyrë të pakontrolluar kur pa babanë e saj të ndjerë në arkivol pas vdekjes së tij në vitin 2014.
Në një intervistë të fundit Nicole, tha se ishte aq e shkatërruar dhe e pikëlluar nga vdekja e babait të saj, sa nuk mundi t’i kontrollonte emocionet kur shkoi ta takonte për herë të fundit. Aktorja tha se përvoja tronditëse ndikoi në mënyrën se si ajo luajti Margaret në dramën e saj të re Expats.
“Fillova të qeshja sepse isha shumë e pikëlluar dhe e shkatërruar. Trupi im dhe psikika ime thjesht nuk mund ta përballonin atë gjë”, tha Nicole.
“Edhe në periudha të tjera të jetës sime, kam qeshur në momente të papërshtatshme. Është sikur të duhet ky moment për të të mbajtur gjallë, në një farë mënyre, përndryshe do të vdesësh. Është shumë e dhimbshme”.
Një muaj pas vdekjes së babait të Nicole, aktorja foli për tronditjen që përjetoi nga ikja e tij e papritur./E.Ç
