Burgu i Spaçit do të kthehet në muze/ Zbulohet projekti me vlerë 4.2 mln Euro

113 563 lexime

124,178FansaPëlqeje

Pas shumë diskutimesh publike dhe sygjerimeve nga ish të burgosur politik, Ministria e Ekonomisë, Kulturës dhe inovacionit ka hedhur për Konsultim Publik, draft-planin për menaxhimin e ish-burgut të Spaçit.

Në një raport prej 182 faqesh, Ministria e Kulturës, shpjegon rëndësisnë e investimit dhe rijetëzimit të hapësirave, planin e biznesit dhe përllogaritjen paraprake jo përfundimtare të shpenzimeve që do t’i japin jetë godinave që sot ruajnë një peshë të rëndësishme të kujtesës historike.

Hapi i parë është kalimi i pronësisë administrative të kësaj hapësire në varësi të Ministrisë së Kulturës, dhe më pas krijimi i një fondacioni nga një institucion i specializuar për trashëgiminë kulturore, i cili do të jetë drejtpërdrejt i varur nga Ministria e Kulturës.

Fondacioni do të organizohet në tre nivele drejtimi, me një Bord Administrimi, Bord Nderi dhe Bord Shkencor, i cili do të financohet nga Buxheti i Shtetit, fonde nga partnerë ndërkombëtarë, apo fonde publike dhe private, ndërsa vetë implementimi i planit parashikohet të zgjasë 5 vjet.

Në vitin e parë, në këtë draft plan parashikohet që të ndalet përkeqësimi i godinave të Spaçit, dhe nisja e procesit të transformimit. Në vitin e dytë dhe të tretë në propozim parashikohet promovimi i sitit dhe hapja e muzeut të Spaçit, ndërsa në dy vitet e fundit parashikohet pozicionimi i Spaçit në një hapësirë dialogu dhe ndërveprimi.

Investimi financiar në këtë draft plan parashikon të kapi vlerën prej 4.230.800 Eurove, prej të cilave, 2.321.900 Euro do të investohen në fazën e parë dhe pjesa e mbetur për fazat e tjera. Deri më tani, ky projekt-propozim është konsultuar edhe me grupet e interesit, siç janë ish të burgosurit politik, institucionet e ruajtjes se kujtesës, historianë etj.

Burgu i Spaçit ishte një burg i sgurisë së lartë që u përdor për të internuarit politik gjatë regjimit diktatorial, i cili u hap më 1968 dhe funksionoi deri në ’88, ku pati mbi 1000 të burgosur politikë./O.S

Të fundit

Napoli merr “timonin” e Serie A, Interi pëson disfatë në shtëpi ndaj Romës

Interi ka pësuar humbjen e dytë radhazi në Serinë A, pas asaj me Bolognan. Zikaltërit e Inzagit janë mposhtur në...

Tirana fiton derbin, mbyll kampionatin e teta! Partizani zyrtarisht në “Final 4”

Tirana fitoi derbin me Dinamon me rezultatin 2-0 falë golave të Rafael në minutën e 29-të dhe Zharmuni në të 88-ën. Ekipi i drejtuar nga...

VIDEO: Super Rey Manaj! Shënon dhe nxjerr ekipin nga zona e rrezikut. 11 gola këtë sezon

Sulmuesi i Kombëtares, Rey Manaj është treguar deçiziv për ekipin e tij në Turqi. Sivasspor fitoi 2-0 kundër Antalyaspor dhe pas javës së 33-të...

Fushata elektorale, Rama me gratë dhe vajzat e Vlorës, “Marigoja” qëndis flamurin

Kryeministri Edi Rama është pritur me këngë e valle në takimin që po zhvillon sot me gratë dhe vajzat në qytetin e Vlorës. Madje...

“K’cimi i Tropojës”, trashëgimi në UNESCO! Ministri Gonxhe: Moment krenarie

Në Teatrin e Kombëtar të Operës e Baletit është mbajtur mbrëmjen e së shtunës performanca nga “K’cimi i Tropojës” që është në listën e...

Lajme të tjera

Web TV