Singapori, Danimarka dhe SHBA-të janë vendet më të mira në botë për të bërë biznes, kjo sipas renditjes së klimës së biznesit nga Economist Intelligence Unit. Singapori mbetet vendi më i mirë në botë për të bërë biznes, siç ka ndodhur në këto 16 vitet e fundit.
Faktorët që nxisin vendin e Azisë Juglindore si një destinacion kryesor biznesi janë stabiliteti politik dhe fokusi i qeverisë për të ndihmuar kompanitë vendase të sektorit privat në përmirësimin e teknologjisë dhe gjithë faktorëve për mbarëvajtjen e një sipërmarrjeje.
Renditja e EIU vlerëson atraktivitetin e të bërit biznes në 82 vende në botë dhe kjo matet me tregues të tillë si inflacioni, kostoja e jetesës, rritja ekonomike dhe politikat fiskale.
Ja renditja e 10 vendeve më të mira në botë për të bërë biznes:
1. Singapori-8.56
2. Danimarka-8.41
3. SHBA-8.40
4. Gjermania-8.35
5. Zvicra-8.33
6. Kanadaja-8.31
7. Suedia-8.29
8. Zelanda e Re-8.26
9. Hong Kongu-8.24
10. Finlanda-8.22
Pas Singaporit janë Danimarka dhe SHBA-të, të cilat zënë respektivisht vendin e dytë dhe të tretë. Danimarka, me “bazat e saj të forta makro-ekonomike”, transportin dhe infrastrukturën digjitale me cilësi të lartë, është një nga vendet më tërheqëse të biznesit në botë. Mundësitë e tregut mbeten të favorshme në SHBA, me pak kufizime për tregtinë e jashtme dhe investimet në këtë vend.
Gjermania dhe Zvicra zënë vendin e katërt dhe të pestë, ndërsa Kanadaja, Suedia, Zelanda e Re, Hong Kongu dhe Finlanda përbëjnë pjesën tjetër të 10 vendeve më të mira në botë për të bërë biznes.
“Këto janë të gjitha ekonomi të zhvilluara me performancë të lartë, kështu që priren të jenë baste të sigurta për investime,” theksohet në këtë raport./E.Ç
