Mandati i Olta Xhaçkës, ish-ministres së Mbrojtjes, ka qenë “mollë sherri” në mbledhjen e Konferencës së Kryetarëve.
Nënkryetari i PD-së, Gazment Bardhi, u përplas me kryeparlamentaren Lindita Nikolla, së cilës i kërkoi llogari për moszbatimin e vendimit të Gjykatës Kushtetuese.
Ai deklaroi se moszbatimi i vendimeve të Gjykatës Kushtetuese, përbën vepër penale.
Nikolla iu përgjigj se për Xhaçkën do të mblidhet të hënën Këshilli i Mandateve, ndërsa Bardhi deklaroi se sipas procedurës, çështja duhet të shkojë në Kuvend.
Deklarata e plotë:
Bardhi: Në shkelje të kushtetututes ju si kryeparlamentare dhe si mazhorancë po refuzoni të zbatoni vendimin e Gjykatës Kushtetuese. Keni nxjerrë justifike absurde nga janari i vitit 2023 e deri më sot. Kjo praktikë e Gjykatës Kushtetuese, është praktikë e njohur, por ju bëni sikur nuk e kuptoni dhe e zvarrisni. Doni ta ktheni edhe njëherë te Këshilli i Mandateve, ku vendimet e këtij këshilli kanë qenë subjekt i shqyrtimit në Kushtetuese.
Nikolla: Të hënën do të mbledhim Këshillin e Mandateve për këtë çështje për të vijuar procedurën.
Bardhi: Procedura thotë se çështja do duhet të vijë në Kuvend. Por ju kërkoni ta zvarrisni…
/O.S
