Afshet e nxehta gjatë natës, thatësia vaginale apo aknet e papritura hormonale, të gjitha janë simptoma të njohura të menopauzës. Por, për menopauzën e trurit nuk është folur shumë, ndaj ka plot detaje që duhet të dini nga shkaqet te lehtësimi i shenjave të kësaj gjendjeje.
Çfarë është “menopauza e trurit”?
Nisur edhe nga emri i kësaj simptome, gjithçka lidhet me harresën, vështirësinë në përqendrim, ulje e aftësisë njohëse, vështirësi në artikulim etj. Mjekja Kathleen Jordan thotë se shumë gra që kalojnë menopauzën përjetojnë edhe probleme me trurin, të cilat shkaktohen nga ndryshimet organike që ndodhin pas luhatjeve hormonale. Pra, nuk kemi të bëjmë me një dëmtim të këtij organi, por me një përgjigje të trurit ndaj ndryshimeve hormonale që ndodhin që me perimenopauzën e deri te menopauza.
Çfarë e shkakton këtë gjendje?
Mjekja Jordan pranon se estrogjeni luan një rol të rëndësishëm në sistemin neuroendokrin dhe simptomat ndodhin si përgjigje ndaj rënies së estrogjenit gjatë menopauzës. Ne e dimë se truri ka receptorë estrogjeni, kështu që nuk është për t’u habitur që ne shohim ndryshime në aktivitetet metabolike të qelizave të trurit kur nivelet e estrogjenit fillojnë të bien në perimenopauzë dhe menopauzë.
Si t’i lehtësoni këto simptomat?
Duket se jeni vetë ju që e keni në dorë përmirësimin nga kjo gjendje, sigurisht duket ju referuar sugjerimeve të mjekëve:
#1 Punoni për cilësinë e gjumit
Lodhja gjatë ditës, luhatjet e humorit, problemet me fokusin, të gjitha janë probleme që thellohen gjatë menopauzës së trurit. Përpiquni të flini herët, të bëni gjumë cilësor duke mbajtur një temperaturë ambienti të pranueshme, duke shmangur alkoolin para gjumit etj.
#2 Mendoni terapinë e zëvendësimit të hormoneve.
Zëvendësimi i estrogjenit mbështet funksionin normal të qelizave të trurit, ndërsa zëvendësimi i progesteronit shoqërohet me shtim të serotoninës që ju bën të ndiheni më të çlodhur dhe më të qetë.
#3 Përqendrohuni në shëndetin e përgjithshëm
Dieta, suplementet dhe stërvitja mund të ndikojnë pozitivisht në lehtësimin e këtyre simptomave./E.Ç
