Gjin Gjoni, kryetar i degës së PD-së në Lezhë, e konsideroi vendimmarrjen e socialistëve në Kuvend për të mbrojtur mandatin e Olta Xhaçkës, si vdekjen e reformës në drejtësi.
I ftuar në një program televiziv Gjoni tha se, sipas mendimit të tij, reforma në drejtësi ishte selektive.
“Në kohën më parë sistemi i drejtësisë ishte 60 % të majtë dhe 40 % të djathtë, në këto raporte ka qenë.
Sot sistemi i drejtësisë është 100 % i majtë. Ata që kanë kaluar reformën ose janë pjesë e konjukturave të momentit ose janë me lidhje me sistemin komunist”, tha Gjoni.
Referuar vendimit ndaj liderit të opozitës, Sali Berisha, Gjin Gjoni tha se nëse do të përdoret ky standard të gjithë kryeministrat duhet të jenë në hetim për vendimet që kanë marrë.
“Gjithçka lidhet me shkak pasojë dhe në rastin e liderit të opozitës për çështjen që i është vendosur masa e arrestit, nuk ka pasojë”, tha Gjoni./E.T
