Avokatja e Popullit, Erinda Ballanca, foli për situatën e burgjeve në vendin tonë dhe për Amnistinë Penale.
Ajo tha se burgjet janë të mbipopulluara dhe kushtet e tyre nuk janë të mira për shkak se janë ndërtuar rreth 40-50 vite më parë.
Ballanca deklaroi se është nevojshme që të çlirohen paksa hapësirat në burgje me anë të amnistisë penale.
“Sot në Shqipëri burgjet janë të mbipopulluara. Problem është edhe fakti që në vendin tonë ka burgje që kanë shumë kohë që janë ndërtuar ndoshta 40 ose 50 vite më parë dhe kushtet në to nuk janë aq të mira. Unë mendoj se edhe amnistia duhej, sepse së paku çliron disa hapësira në burgje, pasi janë mbushur kapacitetet. Kemi të mbipopulluara edhe paraburgimet, pasi jepet shpesh masa më e rëndë e sigurisë, ajo e arrestit me burg. Problem është edhe fakti që gjyqet zgjasin për shumë kohë”, theksoi Avokatja e Popullit./O.S
