Balla ‘përvojë spanjolle’ për policinë rrugore, kamerat e trupit Live për ngjarjet

113 563 lexime

124,178FansaPëlqeje

Gjatë vizitës që po zhvillon në Spanjë, Ministri i Brendshëm Taulant Balla është interesuar për organizimin dhe praktikat e punës së policisë rrugore.

Gjatë një bisede me patrullën e Policisë Rrugore të Madridit, ministri Balla u informua në lidhje me menaxhimin e trafikut si dhe u njoh me pajisjet që ata përdorin për monitorimin e trafikut, kamerat e trupit, mjetet elektrike, pajisjet për kontrollin e pijeve alkoolike etj.

Ekspertët i shpjeguan ministrit dhe delegacionit shqiptar që përbëhej nga zyrtarë të lartë të Policisë, se për menaxhimin e trafikut rrugor në Madrid, Policia Kombëtare spanjolle bashkëpunon me Policinë Bashkiake, sidomos në rast eventesh të mëdha.

Sa i përket sistemeve dhe pajisjeve që përdoren për monitorimin e trafikut, përkatësisht identifikimin e shkeljeve të ndryshme dhe sistemin e gjobave, punonjësit e Policisë rrugore spanjolle thanë se ato janë të lidhura online dhe të aksesueshme në kohë reale.

“Kamerat e trupit regjistrojnë automatikisht kur ka një ngjarje dhe janë të lidhura online në Icloud. Çdo punonjës ka kamerën e vetë, me të cilën regjistron njëkohësisht ngjarjen, nga kënde të ndryshme”, shpjeguan policët spanjollë.

Ministri Balla u interesua edhe për pajisjet dhe metodat e kontrollit për drejtuesit e mjeteve që konsumojnë pije alkoolike apo substanca të ndaluara dhe me këtë rast atij iu demonstrua edhe funksionimi i pajisjes.

Ministri Balla po zhvillon një vizitë zyrtare në Spanjë, ku do takohet  me homologun e tij, Ministrin e Brendshëm të Spanjës Fernando Grande-Marlaska dhe drejtues të lartë të Policisë Spanjolle./E.T

Të fundit

“Nisma Shqipëria bëhet”, Shabani dhe Lapaj zyrtarizojnë koalicionin parazgjedhor

Nisma Thurje dhe Shqipëria Bëhet kanë zyrtarizuar koalicionin parazgjedhor, së bashku me Lidhjen për të Drejtat e Punëtorëve Shqiptarë. Me...

Dhuna në “Sintagma”, Mitsotakis: Pashë fytyrën më të shëmtuar të vendit

Protesta në dukje paqësore në Greqi është përshkallëzuar në dhunë. Përleshjet shpërthyen në sheshin qëndror të Athinës, Sintagma, ndërsa qindra mijëra njerëz u mblodhën...

Lamtumirë Skype! Microsoft vendos të mbyllë shërbimin pas dy dekadash

Pas dy dekadash në treg, kompania Microsoft ka vendosur që të mbyllë aplikacionin e thirrjeve me video Skype. Skype “nuk do të jetë më i...

Lezhë/ Aksidentoi 50-vjeçarin, arrestohet e reja

33-vjeçarja Marinela Gjoka është arrestuar nga policia pasi duke drejtuar automjetin tip “Mercedes Benz” ka përplasur,  50-vjeçarin i cili po lëvizte me biçikletë. Si pasojë...

“Ne me shoqen fitore, ata me noc rrokun”/ Rama: I dorëzuam zonjës së drejtësisë shpatën!

Kryeministri Edi Rama është shprehur se Partia Socialiste ka të gjitha meritat për Reformën në Drejtësi, reformë e cila sipas tij nuk kishte për...

Lajme të tjera

Web TV