Këngëtarja Arta Bajrami, në një intervistë të dhënë së fundmi ajo ka folur për jetën e saj profesionale dhe atë private. Ajo eshtë nënë e tre fëmijëve: dy vajzave dhe një djali. Duke treguar se sa me fat është për familjen e saj, këngëtarja ka deklaruar për herë të parë se dy fëmijët e saj më të vegjël, Ideal Morris dhe Elektra i përkasin spektrit të autizmit. Me një zë të mbushur me emocione, Arta ka pranuar se dy nga katër fëmijët e saj i perkasin ketij spektri.
“Dua të tregoj një të vërtetë, sepse po e kam një fare ngushtimi kështu që po ballafaqohem në përditshmëri. Ideali dhe Elektra janë diagnostikuar me spektrin e autizmit. Janë diagnostikuar pak më vonë, pasi fillimisht doktorët nuk kanë dhënë diagnozë të saktë. Unë nuk jam dorëzuar kurrë, u kemi ndenjur mbrapa bashkë me bashkëshortin”, ka rrëfyer ajo në emision. Në një ton të qetë dhe me plot dashuri, Bajrami ka folur për sfidat dhe fitoret e vogla që përjeton çdo ditë si nënë. Ajo ka treguar se është duke i trajtuar fëmijët e saj në Shoqatën e Autizmit në Prishtinë, një institucion që, sipas saj, po bën një punë të admirueshme në mbështetje të fëmijëve me autizëm dhe familjeve të tyre.
“Për momentin jam duke i trajtuar në Shoqatën e Autizmit në Prishtinë, të cilët po e bëjnë një punë shumë të mirë. Tash Zoti mi ka çuar këta dy yje, këta engjëj që japin dashuri pa kusht. Kuptojnë komplet, vetëm të flasin nuk munden ende”, ka shtuar Arta, duke folur për dy fëmijët e saj me një zë plot krenari dhe përkushtim./E.Ç
