Fituesja e edicionit të tretë të “Big Brother Vip Albania” ka reaguar sërish përmes një postimi në Instagram, ku nuk harron të falënderojë publikun për votat dhe televizionin që i dha mundësinë për të qenë pjesë e këtij reality show.
Në foton e saj në finale, me çekun e çmimit 100 mijë euro në dorë, aktorja shkruan:
“Jam ende pa fjalë. Por jam thellësisht mirënjohëse për publikun që më deshi e më pranoi me gjithë ngjyrat e mia dhe sigurisht për @topchannelalbania që më dha mundësinë të isha pjesë e kësaj eksperience të jashtëzakonshme. Do shihemi shumë shpejt!”
Pas 133 ditëve izolim, Egla ishte një prej pesë finalisteve të këtij formati që u finalizua me çmimin e parë për aktoren Ceno. Në votimin kokë më kokë me kolegun e saj, Julian Deda ishin votat e publikut që e shpallën atë fituese./E.Ç
