Fundjavat në plazh gjatë verës janë forca jonë e çdo dite në punë teksa jashtë dielli shkëlqen. Për ta shijuar siç duhet duhet të përgatitemi siç na ka hije. Pak, saktë, por pa asnjë mungesë! Këtë listën që do të gjeni më poshtë bëjeni screenshot se do t’ju duhet të enjteve pasdite, teksa nxitoni të bëni gati çantën e plazhit.
Çfarë s’duhet të mungojë brenda çantës:
1. Syzet
Nuk doni të prishni fundjavën dhe ta shihni diellin më sy tjetër apo jo?
2. Peshqira
Ai momenti kur mezi pret të shtrihesh në shezlong dhe kupton që ke harruar peshqirin. E tmerrshme!
3. SPF
Si mund të nisemi pa të?
4. Qese ekstra
Disa qese rezervë brenda në çantë do t’ju duhen gjithmonë. Mbajini në xhepin e preferuar.
5. Make up-et
Nuk i duam shumë gjatë ditës, por darkat vijnë shpejt dhe pak bronzer e bën lëkurën pas diellit të duket wow!
6. Veshje
Fustane të lehta, me ngjyra dhe sa më praktike. Askush s’do të lodhet, prandaj veproni me zgjuarësi.
7. Kutia e ndihmës së shpejtë
Mos harroni ilaçet për çdo rast emergjence. As nuk duam ta imagjinojmë një dhimbje dhëmballe në Dhërmi pa qetësues me vete!/E.Ç
