Ka një aryse pse nuk duhet të pini alkool gjatë fluturimeve

113 563 lexime

124,178FansaPëlqeje

Kur niseni për pushime, asnjëherë mos konsumoni pije alkoolike gjatë fluturimit, paralajmëron një studim i ri. Kjo pasi shkencëtarët kanë zbuluar se konsumimi i alkoolit gjatë fluturimit mund të sjellë probleme në zemër nëse udhëtarët i zë gjumi, si pasojë e presionit të ajrit. Ata zbuluan se kur njerëzit bien në gjumë pasi pinë alkool në presionin e ulët të ajrit që zakonisht përjetohet gjatë fluturimeve, nivelet e oksigjenit në gjak bien dhe rrahjet e zemrës rriten. Ky fenomen ndodh madje edhe tek ata që janë të shëndetshëm dhe të rinj.

“Ne u befasuam kur pamë se efekti ishte kaq i fortë. Ju lutemi mos pini alkool kur ndodheni në aeroplan”, tha bashkëautorja e studimit Eva-Maria Elmenhorst.

Studiuesit zbuluan po ashtu se pasagjerët që kanë probleme me zemrën, rrezikojnë që gjatë fluturimit të përjetojnë një komplikacion.

“Konsumimi i alkoolit në bord është një rrezik i nënvlerësuar për shëndetin që mund të shmanget lehtësisht”, thanë akademikët nga Instituti i Mjekësisë Ajrore në Gjermani.

Për studimin, studiuesit testuan ndikimin e konsumit të alkoolit dhe gjumit në një mjedis hipobarik, me presion të ulët ajri. Ata vlerësuan 48 njerëz të moshës 18 deri në 40 vjeç ku pjesëmarrësit konsuamuan alkool para një prej netëve. Njerëzit e shëndetshëm nuk përjetuan komplikacione serioze, por studiuesit vunë në dukje uljen e oksigjenit së bashku me rritjen e rrahjeve të zemrës.

Studiuesit zbuluan se kombinimi i alkoolit dhe përjetimi i përqendrimit të ulët të oksigjenit në lartësi të larta sfidon sistemin kardiovaskular.

Autorët arritën në përfundimin: “Së bashku këto rezultate tregojnë se të rinjtë dhe personat e shëndetshëm, në kushte hipobarike, hasin përkeqësim të simptomave në zemër ose në frymëmarrje. Kjo është arsyeja pse rekomandohet shmangia e pirjes së alkoolit edhe kur dikush është i shëndetshëm”./E.Ç

Të fundit

Spiuni i harruar britanik i cili u infiltrua në rrethin e ngushtë të Hitlerit

Familja von der Ropp mbart një lloj të veçantë të mitologjisë. Si banorë gjermanë të shteteve baltike, kjo familje...

Bashkimi Evropian paralajmëron gjigantët e teknologjisë

Presidentja e Komisionit Evropian, Ursula von der Leyen, ka paralajmëruar kompanitë e mëdha të teknologjisë, duke përfshirë X, Meta, Apple dhe TikTok, se Bashkimi...

U përfol për një romancë me Ledrin/ Xhensila sqaron marrëdhënien me reperin

Prej disa javësh, rrjetet sociale dhe portalet janë përfshirë nga thashethemet rreth një romance të mundshme mes dy artistëve të njohur shqiptarë, Ledri Vula dhe...

Studimi/ Femrat kanë dëgjim më të mprehtë se meshkujt

Përshtypja se femrat shpesh kanë dëgjim më të mprehtë se meshkujt, jo vetëm që mund të duket e vërtetë për disa, por ka prova...

Prezantohet Renault Embleme, makina që emeton deri në 90% më pak gazra serë

Renault vazhdon të kryejë misionin e tij mjedisor me modelin Emblème, një automjet koncept inovativ që emeton deri në 90% më pak gazra serë...

Lajme të tjera

Web TV