Një ngjarje e rëndë është regjistrua në Itali në Via Mulino da Capo di Giulianova. Një 34-vjeçar shqiptar është plagosur me thikë nga një shtetas italian.
Sipas mediave italiane, sulmuesi e ka goditur shqiptarin me thikë kuzhin me një teh 17 cm në anën e majtë, ndërsa motivi i ngjarjes nuk dihet ende.
Policia është njoftuar nga banorët e zonës ku ndodhi ngjarja dhe kanë vepruar menjëherë duke bllokuar dhe arrestuar autorin si dhe duke i sekuestruar armën e ftohtë.
Shqiptari është dërguar në spital dhe ndodhet në gjendje kritike për jetën. Ai është shtruar në repartin e reanimacionit dhe i është nënshtruar një operacioni. S.B
