Ukraina fitoi 1-2 me përmbysje përballë Sllovakisë, duke siguruar një fitore të madhe dhe tri pikë të arta në grupin E të Euro 2024.
Sllovakia ishte një ndër surprizat e bukura të dueleve të para në grup në Euro 2024. Skuadra e Francesco Calzonas mposhti Belgjikën, ndërkohë që sot bëri mirë vetëm në pjesën e parë.
Sfida u zhbllokua në minutën e 17’, me Ivan Schranz që kaloi sllovakët në avantazh. 30-vjeçari i Slavia Prague në Çeki, realizoi me kokë pas krosimit të Lukas Haraslin, duke dërguar tifozët në ekstazë.
https://twitter.com/bbcsport/status/1804143172076896668?s=46&t=IwIgv0cvEn_E5zmj6z4PwA
Pjesa e parë u mbyll me avantazhin e Sllovakisë, ndërkohë që e dyta nisi me barazimin e ukrainasve.
Minuta e 54′, asist i Oleksandr Zinchenkos dhe finalizim i bukur nga Mykola Shaparenko, mesfushori i Dinamos së Kievit.
https://twitter.com/pushgoals/status/1804155561337880811?s=46&t=IwIgv0cvEn_E5zmj6z4PwA
Skuadra e Sergiy Rebrov mori zemër dhe përmbysi gjithçka 10 minuta përpara fundit me anë të Roman Yaremchuk.
https://twitter.com/zoryalondonsk/status/1804172413719961654?s=46&t=IwIgv0cvEn_E5zmj6z4PwA
28-vjeçari i Valencias erdhi nga stoli dhe realizoi një gol të bukur dhe me shumë vlera, duke i dhuruar fitoren Ukrainës.
