Kolumbia siguroi biletën në finalen e Copa América të së dielës, pasi një goditje me kokë nga Jefferson Lerma në pjesën e parë, që i dha skuadrës së Néstor Lorenzo një fitore minimale 1-0 ndaj Uruguait. Los Cafeteros, të cilët luajtën të gjithë pjesën e dytë me 10 lojtarë, tani janë të pamposhtur në një seri të pabesueshme prej 28 ndeshjesh (22 fitore, 6 barazime).
Pasi kaloi Panamanë në çerekfinale, Kolumbia bëri një fillim pozitiv kundër skuadrës së Marcelo Bielsës, me mbrojtësin e djathtë Daniel Muñoz që shpërdoroi një shans të mirë me kokë, duke goditur jashtë.
Uruguaianët u rritën gradualisht, ndërsa pjesa e parë ishte Darvin Núñez ai që iu afrua më shumë golit, me sulmuesin e Liverpool-it që humbi dy raste të mira shënimi.
Ritmi i ndeshjes ishte i lartë, teksa presioni i Kolumbisë u shpërblye gjashtë minuta para pushimit, kur topi i kthyer nga James Rodríguez u drejtua në portë nga Lerma. Megjithatë, gëzimi i Los Cafeteros ishte i shkurtër, pasi Muñoz mori një karton të dytë të verdhë në fundin e pjesës së parë, për një goditje me bërryl në gjoksin e Manuel Ugarte.
Me avantazhin numerik, Uruguai u përpoq të rikthente baraspeshën, teksa rastet nuk munguan, por pa rezultat. Trajneri Bielsa përdori edhe kartën Luiz Suarez, por sërish mbrojtja kolumbiane u vendos mirë për të ruajtur portën të paprekur dhe siguruar vendin në shfaqjen e së dielës kundër Argjentinës – një finale e parë e Copa América për Los Cafeteros që nga ngritja e trofeut në 2001.
Megjithatë, dueli do të mbahet mend për skenat e tmerrshme pas ndeshjes. Tifozët uruguaianë dhe kolumbianë patën një përplasje në tribuna dhe futbollisti i Liverpool, Darwin Nunez u bashkua me ta.
Ndonëse një nga yjet më të mëdhenj dhe më të shtrenjtë të futbollit të Amerikës së Jugut, për Nunezin nuk ishte problem të futej në tribuna dhe t’u bashkohej tifozëve uruguajanë në një përplasje me kolumbianët./ D.C
https://twitter.com/AnythingLFC_/status/1811292237977858529
Në një moment ai është filmuar duke lëvizur fansat me një karrige dhe ka hedhur edhe disa grushte.
