Për mirëqenien e fëmijëve: Ja sa orë në javë duhet t’i lini para ekraneve

113 563 lexime

124,178FansaPëlqeje

Më pak kohë para pajisjeve elektronike do të thotë më pak episode ku fëmija nuk sillet mirë. Në vetëm dy javë, prindërit mund të shohin përmirësime të rëndësishme në shëndetin mendor dhe sjelljen e fëmijës së tyre duke zvogëluar kohën e lirë të fëmijëve para ekranit në vetëm tre orë në javë, sipas një studimi të ri të publikuar në “JAMA Network Open”.

Mesatarisht, fëmijët kalojnë shtatë deri në tetë orë në ditë në telefona apo Ipad-e për argëtim. Por, kur fëmijëve iu zvogëlua në mënyrë drastike koha e qëndrimit para ekranit, ata treguan përmirësime të ndjeshme në sjelljen e përgjithshme dhe mirëqenien emocionale.

Studiuesit nga “University of Southern Denmark” analizuan të dhënat e mbledhura nga 89 familje me 181 fëmijë dhe adoleshentë nga mosha 4 deri në 17 vjeç.

Gjysmës së familjeve iu kërkua të kufizojnë kohën e lirë të fëmijëve të tyre në ekran në maksimum tre orë në javë, një ndryshim i madh nga mesatarja e shtatë deri në tetë orë në ditë që shpenzojnë shumica e tyre.

Rezultatet zbuluan se fëmijët që ulën numrin e orëve të qendrimit përpara këtyre pajisjeve përmirësuan simptomat e sjelljeve që shpesh janë reagime të fshehura ndaj emocioneve dhe stresit.

Hulumtimet e mëparshme të publikuara në “JAMA Pediatrics” kanë treguar se fëmijëve duhet t’u ndalohet qëndrimi para ekranit deri në moshën 3 vjeç, pasi kjo mund të çojë në vonesa në zhvillim.

Studiuesit zbuluan gjithashtu se sasia e kohës së ekranit që u lejohej foshnjave dhe mosha e tyre ndikoi drejtpërdrejt në zhvillimin e tyre. Çdo orë e kohës ditore para ekranit rriti shanset e fëmijës për të shfaqur probleme shqisore me 23% në moshën 18-muajshe dhe kjo tendencë ishte në rënie në 20% në moshën 24-muajshe./E.Ç

Të fundit

Horoskopi i datës 22 prill 2025 nga Christine Haas

Dashi Mundohuni të gjeni mënyrën e duhur për ta përballuar stresin gjatë kësaj dite sepse gjërat do bëhen gjithnjë e më të vështira. Nëse keni...

Spiuni i harruar britanik i cili u infiltrua në rrethin e ngushtë të Hitlerit

Familja von der Ropp mbart një lloj të veçantë të mitologjisë. Si banorë gjermanë të shteteve baltike, kjo familje rridhte nga kalorësit teutonikë të...

Bashkimi Evropian paralajmëron gjigantët e teknologjisë

Presidentja e Komisionit Evropian, Ursula von der Leyen, ka paralajmëruar kompanitë e mëdha të teknologjisë, duke përfshirë X, Meta, Apple dhe TikTok, se Bashkimi...

U përfol për një romancë me Ledrin/ Xhensila sqaron marrëdhënien me reperin

Prej disa javësh, rrjetet sociale dhe portalet janë përfshirë nga thashethemet rreth një romance të mundshme mes dy artistëve të njohur shqiptarë, Ledri Vula dhe...

Lajme të tjera

Web TV