Nuk është hera e parë që lexojmë lajme jo fort të zakonta nga personazhet ndërkombëtarë të ekranit, sidomos të atyre që kanë pasur një jetë private jo të qëndrueshme, sic ishte rasti i aktorit Alain Delon, apo të tjerëve përpara tij që e kanë lidhur jetën shumë ngushtë me kafshët. Kujtoni trashëgiminë e Karl Lagerield që i shkoi maces pas vdekjes së tij. Ndërsa aktori dhe producenti francez Alain Delon, ka lënë një amanet tjetër.
“E gjithë jeta ime është atje, në varret e qenve të mi”. Në këto fjalë ndihet gjithë dashuria që Alain Delon kishte për miqtë e tij me katër këmbë. Dhe në mjediset e shtëpisë së tij në Douchy, gjatë jetës së tij, rreth 50 qen gjetën prehje të përjetshme.
Për Delonin, ajo varrezë përfaqësonte një vend të shenjtë, një vend paqeje ku ai kërkoi të varrosej, pranë qenieve të vetme që e kishin dashur pa kushte, tha ai.
Delon 88-vjeç u shua në shtëpinë e tij i rrethuar nga familjarët./E.Ç
