Aktorja Eva Alikaj ka qenë e ftuar te “Rudina” në Tv Klan dhe ka habitur teleshikuesit teksa është shprehur se komedinë “Pallati 176” ka arritur ta shohë të plotë vetëm pak ditë më parë.
“Të të tregoj edhe një sekret tjetër? jo sekret, por është herë e parë e thënë. Para se të vija këtu, më rregulloi djali YouTube-n dhe ishte “Pallati 176”.
Unë s’e kam parë me thënë të drejtën sepse ne nuk i shohim, kur bëhet, del nga ne dhe kaq. E kam parë fragmente-fragmente, dhe më në fund e pashë të gjithën”, tha ajo.
Më tej Eva vlerësoi gjithashtu performancën e të gjithë kastit të “Pallatit 176”. Sa i përket realizimit të rolit të saj, aktorja tha se veç batutës “po ju të dy jeni fejuar?”, që mendon se mund të ishte realizuar më mirë, është shumë e kënaqur me çfarë ka arritur./E.Ç
