Vdes në Kalkuta të Indisë, në moshën 87 vjeçare bamirësja e famshme me origjinë shqiptare Nënë Tereza. E njohur ndryshe si Anjezë Gonxhe Bojaxhiu, Nënë Tereza përgjatë gjithë jetës së saj, do të ndërmerrte misione humanitare në mbarë botët në ndihmë të të sëmurëve, të pastrehëve, dhe jetimëve. Kështu ajo gdhëndi përfundimisht emrin e saj në listën e Çmimeve Nobel për Paqjen të cilin do ta fitonte në vitin 1979.
Në janar të vitit 1929, Tereza, kjo murgeshë e përkushtur, mbërrin në Kalkuta për të filluar punën mes njerëzve më të varfër e më të sëmurë në Indi. Sot, pas vdekjes, ajo mban titullin kishtar “Tereza e Bekuar e Kalkutës”, por njihet si Nënë Tereza.
Kjo shqiptare e lindur 26 gusht 1910, themeloi urdhërin Misionaret e Bamirësisë, sot aktiv në 133 vende, me shtëpi për personat me HIV / AIDS, lebra dhe tuberkuloz, me kuzhina për ushqim falas, jetimore, shkolla e etj. Anëtaret e misionit te saj quhen Motra; ato duhet t’i përmbahen zotimit për “dëlirësi, varfëri dhe bindje, shërbime të përzemërta dhe falas për më të varfërit e të varfërve”.
Nënë Tereza ka marrë nderime të shumta nga bota, përfshi Çmimin Nobel të Paqes (1979). Ajo vdiq me 5 shtator 1997. Në fund të vitit 2003, Nënë Tereza u lumturua nga Vatikani; një mrekulli e dytë e kryer me ndërmjetësimin e saj është e nevojshme të vërtetohet, para se ajo të mund të njihet si shenjtore nga Kisha Katolike. Nënë Tereza, e adhuruar dhe respektuar nga shumë njerëz, ka edhe kritikët e saj, që thonë se ajo nuk siguroi kujdes mjekësor për njerëzit e sëmurë, ose se ka patur marrëdhënie të mira me diktatorë.
Kalendar
1590 – Armata e Alexander Farnesenit detyroi mbretin Henry IV i Francës që të tërheq rrethimin e Parisit.
1800 – Malta u pushtua nga Britania e Madhe.
1839 – Lufta e parë e opiumit filloi në Kinë.
1944 – Belgjika, Holanda dhe Luksemburgu formuan Beneluksin.
1946 – U lind Freddie Mercury, këngëtari britanik i grupit Queen
1980 – Hapet tuneli Gotthard në Zvicër si tuneli më i gjatë i autostradës në botë me gjatësi 16.224 km.
