Çfarë është shampoja e thatë, përdorimi dhe efektet tek flokët dhe skalpi

113 563 lexime

124,178FansaPëlqeje

Kur flokët kanë nevojë për një dush, por nuk keni kohë për këtë, shampoja e thatë është një zgjidhje e lehtë dhe e shpejtë. Me vetëm disa spërkatje, flokët tuaja të yndyrshme do të duken përsëri të pastra.

Edhe pse ky produkt funksionon, shqetësimet në lidhje me sigurinë e tij dhe nëse kontribuon apo jo në rënien dhe dëmtimin e flokëve, janë shfaqur kohët e fundit.

AgroWeb.org ju njeh më poshtë nëse këto shqetësime janë të vërteta dhe cila është zgjedhja juaj më e mirë.

Si funksionon shampo e thatë
Yndyra që prodhohet nga gjëndrat e flokëve dhe zbut skalpin e kokës, është e rëndëshime për një mjedis të shëndetshëm për rritjen e flokëve.

Përbërësit aktivë të përdorur në shampon e thatë thithin djersën nga flokët tanë, duke i bërë ato të duken të pastër.

Kjo lloj shampo më së shpeshti përbëhet nga përbërës që thithin lagështinë në flokë, e gjithashtu që maskojnë aromat.

Si ndikon në flokët dhe skalpin tuaj
Pavarësisht përfitimeve të menjëhershme të shampos së thatë, ajo mund të shkaktojë dëme të padëshiruara në flokë, pasi ka tendencë të grumbullohet në lëkurën e kokës.

Përbërësit e ashpër në disa shampo të thata mund të heqin gjithashtu vajrat e shëndetshëm që i nevojiten skalpit për të qënë i shëndetshëm.

A mund të ndikojë në rënien e flokëve?
Shampoja e thatë grumbullohet në lëkurën e kokës, dhe kjo mund të parandalojë lëndët ushqyese të arrijnë në gjëndrën e tyre.

Përdorimi i tepërt i produktit mund të çojë në inflamacion të lëkurës së kokës dhe bllokim të folikulave.

Me kalimin e kohës, kjo mund të dobësojë folikulën, duke shkaktuar rënie të shtuar dhe rrallim të flokëve.

Po zbokth?
Problemi më i zakonshëm që hasin njerëzit kur përdorin shampo të thatë është zbokthi, i cili zakonisht shkaktohet nga një çekuilibër i vajit.

Lexo edhe :  Si ta përgatisim trupin për të përballuar ngarkesën ushqimore nga festat e fundvitit

Për të ndihmuar në parandalimin e zbokthit, është tepër e rëndësishme ta mbani lëkurën e kokës të pastër dhe yndyrën në të, të ekuilibruar.

Kjo gjë është e vështirë të arrihet nëse vazhdimisht përdorni shampon e thatë, por edhe produktet e gabuara.

Sa shpesh këshillohet ta përdorni shampon e thatë
Bazuar në këshillat e ekspertëve, rekomandohet të mos e përdorni produktin më shumë se dy herë ndërmjet larjeve.

Megjithatë idealja do të ishtë të mos e përdornit fare, ose vetëm në raste shumë të rralla.

Gjithashtu ju mund të zgjidhni një produkt që ka një formulë të sigurt. Kujdesuni që produkti që zgjidhni të mos këtë këto gjashtë përbërës specifikë: sulfatet, parabenet, glikolet e polietilenit, aromat sintetike, talkun dhe alkoolin.

Alternativa ndaj shampos së thatë
Alternativa më e mirë është t’i lani flokët. Skalpi juaj dhe folikulat e tij janë baza e rritjes së shëndetshme të flokëve dhe një skalp i pastër ofron një mjedis optimal për flokë të shëndetshëm.

Lëkura e vdekur, ndotja dhe djersa mund të kontribuojnë në dobësimin e flokëve dhe shampo e thatë nuk mund t’i largojë këto faktorë. S.B

Të fundit

Kush është personazhi që frymëzoi filmin ‘Shrek’/Historia tragjike e mundësit të shëmtuar

Maurice Tillet, i vetëshpallur "njeriu më i shëmtuar në botë", shkroi historinë e tij si mundës dhe u bë...

“Globe Soccer Awards” ndan çmimet, ja “yjet” që kandidojnë për më të mirët e 2024-ës

Të premten në Dubai do të zhvillohet edicioni i 15 i spektaklit gala “Globe Soccer Awards”, një eventiment në fund të çdo viti, që...

FOTOLAJM/ Rama ndan pamjet nga Valbona e mbuluar nga dëbora

Kryeministri Edi Rama ka ndarë me ndjekësit në rrjetet sociale pamje nga parku kombëtar i Valbonës dhe bujtinat alpine, tashmë të mbuluara nga dëbora. Lugina...

“Lezetet e mëkatit bashkëshortor”/ Një shfaqje për familjen!

Një ftesë për reflektim dhe për liri zgjedhjeje, duke ruajtur personalitetin është melodrama “Lezetet e mëkatit bashkëshortor”, e cila po vijon të shfaqet për...

Kush ishte aviatorja e parë femër?

Aviatorja e parë femër ishte parizianja Raymonde de Laroche , pseudonimi i Elise Deroche, e cila mori patentën e pilotit më 8 mars 1910. Vajza e një hidrauliku, ajo...

Lajme të tjera

Web TV