Ty të rinj kanë përfunduar në pranga pas një operacioni të finalziuar me sukses nga Policia e Dibrës, të koduar “Kamuflimi”, në bashkëpunim me Seksionin për Hetimin e Narkotikëve dhe Komisariatin e Policisë Dibër.
Bëhet fjalë për shtetasit me inicialet H.G, 23 vjeç dhe S.R, 24 vjeç, të dy banues në Peshkopi.
Gjatë kontrolleve të bëra në një lokal të përdorur nga 24-vjeçari, policia zbuloi dhe sekuestroi lëndë narkotike të dyshuar si kanabis, të ndarë në doza në formë cigareje, sasi të tjera të papërpunuara, një grirëse dhe pesë aparate celular.
Sipas hetimeve paraprake, dy të rinjtë përpunonin kanabisin duke e ndarë në cigare dhe më pas e kamuflonin duke e futur në paketa duhani.
Materialet procedurale i janë dorëzuar Prokurorisë për hetime të mëtejshme. Operacioni u realizua pas informacioneve të siguruara në rrugë operative, për të goditur veprimtarinë kriminale në fushën e narkotikëve.
