Është hedhur në erë pak minuta më parë ura e Babrroit në Tiranë. Nga burimet paraprake mësohet se shpërthimi është bërë në mënyrë të kontrolluar,në kuadër të punimeve që po kryen për ndërtimin e “Unazës së Madhe” në Tiranë.
Shpërthimi ka zgjatur vetëm pak sekonda, ndërsa banorët e zonës ishin njoftuar për këtë proces. Sakaq, policia ka krijuar një perimetër sigurie duke mos lejuar lëvizjet në zonë, me qëllim garantimin e sigurisë.
Punimet për “Unazën e Madhe” po ecin me ritme të shpejta dhe plani, siç ka konfirmuar ministrja e Infrastrukturës dhe Energjisë, Belinda Balluku është të përfundojë deri në fund të këtij viti.
/E.S
