Analisti Fatos Lubonja në ‘Opinion’ në News24 duke folur për konferencën e 3-të ndërqeveritare Shqipëri-BE ku u hap grup-kapitulli i 6 në negociatat me Unionin, u shpreh se të tilla konferenca i shërbejnë vetëm propagandës.
Lubonja theksoi se vërtet bëhen konferenca, vërtet firmosen ligje dhe konventa europiane, por këto nuk zbatohen.
“Ne po i ikim normave europiane, po shkojnë drejt një shteti kriminal, ne po largohemi gjithnjë e më shumë nga Europa”, tha Lubonja.
Analisti shkoi më tej duke thënë se zyrtarët e BE-së janë me dopio standarde, përdorin hipokrizi për shkak të atyre lobingjeve që bëhen.
Ai u ndal dhe tek problemet e Shqipërisë me ligjin dhe demokracionë duke kritikuar se vendi i është nënshtruar krimit dhe narko-shtetit.
Lubonja sqaroi se nëse Europa ecën me këto norma sikundër deri më sot, në 2030 nuk do të ketë Bashkim Europian. “Kemi politikanë hipokritë në njërën anë, kemi edhe partitë e ekstremit të djathtë që po fitojnë terren në vendet e BE-së. Kjo mund të çojë drejt shkrirjes së BE-së në 2030”, përfundoi analisti i njohur.
/E.S
