Zëvendës-ndihmës Sekretari amerikan i Shtetit, Alexander Kasanof dhe kryeministri Edi Rama zhvilluan sot një takim për të diskutuar marrëdhëniet e forta midis Shteteve të Bashkuara dhe Shqipërisë. Në fokus ishte mbështetja e Shqipërisë në çështje kyçe shumëpalëshe dhe angazhimi për arritjen e objektivave të përbashkëta.
Në takim u shqyrtua progresi i Shqipërisë drejt integrimit në Bashkimin Europian, duke nënvizuar rëndësinë e transparencës në procesin e reformës në drejtësi. Gjithashtu, u diskutua domosdoshmëria e forcimit të përpjekjeve kundër korrupsionit, si një prioritet për stabilitetin dhe zhvillimin e vendit.
Ky takim rikonfirmoi angazhimin e përbashkët për të forcuar partneritetin strategjik midis dy vendeve dhe për të adresuar sfidat globale e rajonale.
‘Alexander Kasanof dhe kryeministri Edi Rama u takuan sot për të diskutuar partneritetin e fortë SHBA-Shqipëri dhe mbështetjen e Shqipërisë në çështjet kyçe shumëpalëshe, duke rikonfirmuar angazhimin e tyre për arritjen e objektivave të përbashkëta. Ata shqyrtuan përparimin e Shqipërisë në integrimin në BE dhe rëndësinë e transparencës në reformën në drejtësi dhe forcimin e përpjekjeve kundër korrupsionit’, shkruan Ambasada amerikane në X./E.T
