Paris Hilton është një tjetër personazh i famshëm që donte të mbështeste të prekurit nga zjarret në Los Angeles. “Trashëgimtarja e artë” e cila humbi shtëpinë e saj nga zjarret shkatërruese, krijoi një fond mbështetës për viktimat e zjarrit përmes organizatës së saj jofitimprurëse, duke dhuruar vetë 100,000 dollarë. Gjestin e saj ajo e bëri të ditur përmes një postimi në rrjetet sociale, duke u bërë thirrje atyre që mund të dhurojnë të mbështesin financiarisht të prekurit.
Në postimin që ka bërë në llogarinë personale në Instagram, Paris Hilton ka shpjeguar se edhe pse humbi shtëpinë në Malibu, ka njerëz që humbën shumë më tepër.
Në postimin e saj, Paris Hilton shkroi: “Zemra ime është me të gjithë të prekurit nga zjarret shkatërruese këtu në Los Anxhelos. Megjithëse humba shtëpinë time në Malibu, mendimet e mia janë me familjet e panumërta që humbën shumë më tepër, shtëpitë e tyre, kujtimet e çmuara, komunitetet që donin dhe ndjenjën e tyre të stabilitetit.
Si nënë, nuk mund ta imagjinoj dhimbjen dhe frikën për të mos pasur një vend të sigurt për fëmijët tuaj, kështu që po filloj një fond urgjence përmes organizatës sime jofitimprurëse për të mbështetur familjet me fëmijë të vegjël që kanë është zhvendosur. Po e filloj me një donacion personal prej 100,000 dollarësh dhe po zotohem të plotësoj çdo shumë shtesë të mbledhur, deri në 100,000 dollarë të tjera. Po kërkoj të tjerë që të kontribuojnë dhe të na ndihmojnë të bëjmë pjesën tonë”./kb
