Presidenti Donald Trump deklaroi se po shqyrton mundësinë e mbylljes së Agjencisë Federale të Menaxhimit të Emergjencave (FEMA), duke e quajtur këtë agjenci një “fatkeqësi”.
Deklarata e tij erdhi gjatë një vizite në Karolinën e Veriut, ku po vlerësonte dëmet e shkaktuara nga uragani “Helene”.
Trump shtoi se mund të firmoste një urdhër ekzekutiv për të nisur një reformë rrënjësore të FEMA-s ose, sipas tij, të mbyllte atë përfundimisht. Ai argumentoi se guvernatorët duhet të përdorin resurset shtetërore për të menaxhuar emergjencat dhe të shmangin kërkesën për ndihmë nga FEMA, e cila, sipas tij, shpesh vjen me rregulla të paarsyeshme dhe nuk ka njohuri të mjaftueshme për zonat e prekura. Trump përmendi gjithashtu se kjo ka të bëjë me pavarësinë e shtetit dhe forcimin e kapaciteteve vendore për menaxhimin e krizave./kb
