Ukraina është e gatshme të plotësojë kërkesën e Donald Trump për ti dhënë SHBA përfitime të rëndësishme nga mineralet nëntokësore të sajat. Presidenti i Ukrainës, gjatë një interviste për Agjencinë e Lajmeve Ndërkombëtare Reuters, shpalosi një hartë në një tavolinë në zyrën e presidentit, duke treguar depozita të shumta minerale, duke përfshirë një rrip të gjerë toke.
Ai tha se Ukraina kishte rezervat më të mëdha të titanit në Evropë, thelbësore për industrinë e aviacionit dhe hapësirës, dhe uraniumit, të përdorur për energjinë bërthamore dhe armët. “Nëse po flasim për një marrëveshje, atëherë le të bëjmë një marrëveshje, ne jemi vetëm për ide”, tha Zelenskyy, duke theksuar nevojën e Ukrainës për garanci sigurie nga aleatët e saj si pjesë e çdo zgjidhjeje.
Ukraina, sipas Reuters, ishte e para që hodhi idenë e nxjerr në ankand të mineraleve të saj kritike ndaj investimeve nga aleatët vjeshtën e kaluar, pasi paraqiti një “plan fitoreje” që kërkonte ta vendoste atë në pozicionin më të fortë për bisedime dhe ta detyronte Moskën të ulej në tryezë.
Zelenskiy tha se më pak se 20% e burimeve minerale të Ukrainës, duke përfshirë rreth gjysmën e depozitave të saj të tokës së rrallë, ishin nën pushtimin rus. Zelenskiy theksoi se Kievi nuk po propozonte “dhënien” e burimeve të Ukrainës, por ofronte një partneritet reciprokisht të dobishëm për t’i zhvilluar ato së bashku.
“Amerikanët ndihmuan më së shumti, dhe për këtë arsye amerikanët duhet të fitojnë më shumë. Dhe ata duhet ta kenë këtë prioritet, dhe do ta kenë. Unë gjithashtu do të doja të flisja për këtë me Presidentin Trump”, theksoi Presidenti i Ukrainës për Reuters.
Zelenskiy tha se Kievi dhe Shtëpia e Bardhë po diskutonin idenë e përdorimit të vendeve të mëdha të depozitimit të gazit nëntokësor të Ukrainës për të ruajtur gazin natyror të lëngshëm të SHBA-së.
“Unë e di që administrata Trump është shumë e interesuar për të… Ne jemi gati dhe të gatshëm të kemi kontrata për furnizimet me LNG në Ukrainë. Dhe sigurisht, ne do të jemi një qendër për të gjithë Evropën,” tha ai.
Ai tha se Rusia e dinte në detaje se ku ishin burimet kritike të Ukrainës nga sondazhet gjeologjike të epokës sovjetike që ishin kthyer në Moskë kur Kievi fitoi pavarësinë në 1991./E.T
