Reali dhe Atletico nuk kanë shkuar më shumë se barazimi 1 me 1 në derbin e zhvilluar në “Santiago Bernabeu”. Një rezultat ky që i shkon më së shumti përshtat Barcelonës, që në rast triumfi ndaj Sevillas, ditën e nesërme, do e ngushtonte diferencën në 2 pikë nga kryesuesit e Realit.
Pjesa e parë u mbyll me rezultatin 0-1 për skuadrën e Simeones, që shënoi me Alvarez nga pika e bardhë e penalltisë. Një 11-metërsh ky i kontestuar nga vendasit.
Ndërkohë pjesa e dytë do të niste në mënyrën më të mirë të mundshme për Realin, që gjeti golin e barazimit me Mbappe, teksa në disa momente ishin edhe të pafat për ta përmbysur sfidën, por traversa dhe Oblak i thanë “jo”.
Në sfidën e radhës Reali do të përballet me Osasunën në transfertë ndërsa Atletico Madrid do të presë Celta Vigon./ D.C
