Presidenti amerikan Donald Trump thotë se e ka seriozisht në dëshirën që Kanadaja të bëhet shteti i 51-të i Shteteve të Bashkuara në një intervistë të transmetuar para Super Bowl në New Orleans.
“Po, është serioze”, iu përgjigj Trump një gazetari të Fox News, kur e pyeti nëse ajo që thotë për aneksimin e Kanadasë është “një gjë e vërtetë”, siç paralajmëroi Justin Trudeau disa ditë më parë.
“Unë mendoj se Kanadaja do të ishte shumë më mirë si shteti i 51-të, sepse ne po humbasim 200 miliardë dollarë në vit me Kanadanë. Dhe nuk do ta lejoj të ndodhë. Pse po paguajmë 200 miliardë dollarë në vit, në thelb një subvencion për Kanadanë?”, pyeti Trump./kb
