Gjermania po shtrëngon masat ndaj frenimit të emigrimit të paligjshëm duke zgjatur kontrollet kufitare me gjashtë muaj e cila tani do të qëndrojë në fuqi deri më 15 shtator.
Kur duhen dhe pak ditë nga mbajtja e zgjedhjeve federale të vendit më 23 shkurt, kancelari Olaf Scholz konfirmoi sot se administrata e tij kishte njoftuar Komisionin Evropian për këtë masë të re.
“Me kontrollet kufitare, ne po e zvogëlojmë me sukses migrimin e parregullt. Shifrat e dëshmojnë këtë,” tha Scholz.
Që nga zbatimi i masave vjeshtën e kaluar, autoritetet gjermane kanë kthyer 47,000 njerëz në kufijtë e saj, kanë regjistruar një rënie prej një të tretës së kërkesave për azil dhe kanë arrestuar 1,900 kontrabandistë të dyshuar.
Gjermania kishte vendosur tashmë kontrolle kufitare me Poloninë, Republikën Çeke, Austrinë dhe Zvicrën përpara se t’i zgjeronte ato në shtator për të mbuluar të gjithë kufijtë e mbetur me Francën, Luksemburgun, Holandën, Belgjikën dhe Danimarkën.
Zona Shengen e Bashkimit Evropian lejon udhëtimin pa viza në shumicën e shteteve anëtare, me Zvicrën gjithashtu pjesëmarrëse pavarësisht se nuk është anëtare e BE-së.
Megjithatë, BE-ja lejon kontrolle të përkohshme kufitare në rastet e kërcënimeve serioze të sigurisë, me kusht që ato të jenë zgjidhja e fundit dhe të kufizuara në kohëzgjatje./E.Y
