Videot e djalit të Elon Musk duke u takuar me gazetarët në Zyrën Ovale në Shtëpinë e Bardhë janë bërë virale në rrjetet sociale.
Në njërën prej tyre shihet djali 4-vjeçari i Musk teksa i afrohet Donald Trumpit dhe i thotë diçka. Zëri është shumë i ulët, por duket sikur fëmija i thotë: “Ti nuk je presidenti, duhet të largohesh”.
E gjithë kjo ndodhi teksa Musk mbajti një konferencë shtypi në Zyrën Ovale për të shpjeguar përpjekjet e tij për të zvogëluar numrin e qeverisë federale.
Video ka ngjallur debate në rrjet, pasi në një moment tjetër përdoruesit e rrjeteve sociale po pretendojnë se djali i Musk i tha Trump që të heshtë.
“Dua që të mbyllësh gojën”.
Në konferencën që u mbajt më 11 shkurt, Trump e prezantoi djalin e Musk si një “individ me IQ të lartë”.
“Thuhet se fëmijët thonë gjithmonë të vërtetën!”.
“Ky fëmijë është fituesi!”
Megjithatë, ka të tjerë që pretendojnë se djali i Musk nuk ka thënë gjëra të tilla.
“E pashë drejtpërdrejt dhe nuk ndodhi kështu”, tha Gina Smith në Facebook.
Në rrjet, përdoruesit i lidhin këtp episode edhe duke thënë se Musk po zotëron shumë pushtet.
Në të njëjtën konferencë, djali u pa duke e fshirë hundën në tavolinën e Resolute, dhuratë Presidentit Rutherford Hayes nga Mbretëresha Victoria në 1880 dhe e përdorur nga pothuajse çdo president që atëherë.
Gjatë konferencës fëmija u kap pas këmbës së Musk dhe ai e mori në krahë, ndërsa ai vazhdonte t’u përgjigjej pyetjeve nga media.
“Më falni për këtë”, tha Musk duke qeshur, ndërsa djali i tij i kapte flokët dhe luante me veshët e tij.
Dalja publike e X nuk i pëlqeu nënës së tij, kantautores Grimes, e cila aktualisht është përfshirë në një betejë për kujdestarinë me Musk dhe fëmijët e tyre të tjerë, tre-vjeçarin Exa Dark Siderael dhe dy-vjeçarin Techno Mechanicus.
“Ai nuk duhet të jetë në publik kështu”, shkroi Grimes në X, pasi iu tha nga një ndjekës se djali ishte “shumë i sjellshëm” pasi i tha Trump, “Ju lutem më falni, duhet të urinoj”./ S,M
