Papa Françesku, i cili është i shtruar në spitalin Gemelli të Romës për shkak të problemeve të frymëmarrjes, është në gjendje të qëndrueshme. Më 14 shkurt, Papa Françesku u shtrua me emergjencë si pasojë e pneumonisë bilaterale e cila i vështirësoi së tepërmi frymëmarrjen.
Gjatë trajtimit, gjendja e tij shëndetësore ka pasur përmirësime dhe ai tani nuk ka nevojë për ventilim mekanik, pra nuk ka nevojë ëpr frymëmarrje të asistuar.
Vatikani raportoi se Papa ka kaluar një natë të qetë dhe pa komplikacione. Në javët e fundit, Papa pati një ngushtim të rrugëve të frymëmarrjes, i ngjashëm me një sulm astmatik, që kërkoi intervenim mjekësor, por tani gjendja është më e qëndrueshme.
Pas disa ditëve më të vështira, përditësimet e Vatikanit janë bërë më pozitive./ S,M
