Sot, 20 Mars 2025, në orën 10:06 (me orën italiane), fillon zyrtarisht ekuinoksi pranveror. Por kujdes, e gjithë kjo vlen për hemisferën veriore të Tokës, sepse në hemisferën jugore ngjarja shënon fundin e verës dhe fillimin e vjeshtës. Kjo do të thotë, është momenti në të cilin Dielli kalon pikën e pranverës . Por çfarë tjetër po ndodh saktësisht?
Dita dhe nata njësoj? Pothuajse…
Ekuinoksi është dita në të cilën, teorikisht, dita dhe nata duhet të kenë të njëjtën gjatësi (saktësisht 12 orë). Megjithatë, për shkak të thyerjes atmosferike dhe mënyrës se si matim lindjen dhe perëndimin e diellit, dita është pak më e gjatë se nata.
“Terminatori” (çfarë???) është krejtësisht vertikal
Terminatori është vija imagjinare që ndan pjesën e ndriçuar të Tokës nga pjesa me hije . Gjatë ekuinoksit, kjo linjë lidh saktësisht dy polet, duke rezultuar në një vijë të përkryer vertikale. Në ditët në vijim, ajo do të anohet gjithnjë e më shumë, duke sjellë më shumë dritë dhe ngrohtësi në hemisferën veriore.
Dielli në mesditë është krejtësisht lart në Ekuator
Nëse do të qëndronit në ekuator sot, do ta shihnit Diellin direkt lart në mesditë, pa asnjë hije të hedhur në tokë.
Por a nuk thanë në shkollë që pranvera fillon më 21 mars?
Tradicionalisht, në shkollë na mësonin se pranvera fillonte më 21 mars, por në realitet, për shkak të mospërputhjeve midis vitit diellor dhe kalendarit gregorian , ekuinoksi shpesh bie më 20 mars dhe, në disa raste, mund të rrëshqasë edhe në datën 19./ Focus,it . S,M
