U la jashtë listave, dorëhiqet kryetarja e LDG në Kurbin, Lindita Toma

113 563 lexime

124,178FansaPëlqeje

Çdo Fillim ka një Fund!

Të nderuar kolegë, anëtarë të Partisë Demokratike dhe të Lidhjes Demokratike të Gruas Kurbin,

Pas një periudhe reflektimi dhe qartësimi, kam marrë një vendim të rëndësishëm për mua personalisht, që nuk ka qenë i lehtë, por që ka ardhur pas shumë mendimesh të thella. Kam vendosur të DORËHIQEM nga çdo pozicion që kam mbajtur deri tani në Partinë Demokratike dhe në Lidhjen Demokratike të Gruas Kurbin.

Ky vendim vjen pas një periudhe të gjatë angazhimi, përkushtimi dhe shërbimi ndaj juve, grave të Partisë Demokratike dhe të gjithë anëtarëve të tjerë të organizatës. Unë jam e mirënjohur për besimin që më keni dhënë që nga fillimi i angazhimit tim politik dhe shpresoj se kam arritur t’ju përfaqësoj denjësisht në çdo kauzë që kemi ndjekur së bashku. Angazhimi im ka qenë gjithmonë i sinqertë dhe i sinqertë ndaj parimeve që ne përfaqësojmë.

Dua të falënderoj çdo anëtar të kryesisë për bashkëpunimin dhe mbështetjen tuaj, që nga dita e parë deri më sot. Edhe pse ndonjëherë nuk kam qenë plotësisht e pajtimit me disa nga mendimet dhe vendimet tuaja, duke qenë se disa prej tyre i kam konsideruar të pasuksesshme për ne si degë, gjithmonë kam besuar dhe besoj se duam të përpiqemi për një të ardhme më të mirë. Është një situatë e vështirë, por mendoj se në Kurbin ka ardhur koha për ndryshim, sepse humbjet e përsëritura nuk mund të pranohen më.

Të dashur anëtarë të PD, Dega Kurbin!

Unë jam Lindita Toma (Selala), dhe sot po e bëj publike vendimin tim për të mos u angazhuar në këtë fushatë elektorale. Kam lindur dhe u rrita në një familje me kontribut 34-vjeçar në Partinë Demokratike, dhe për çdo vit të kaluar kam qenë gjithmonë e përkushtuar ndaj ideve dhe parimeve të saj. E di që ka ardhur momenti për të reflektuar, dhe ndoshta është koha për të hapur një faqe të re.

Lexo edhe :  “PS synon mbi 80 mandate më 11 maj”, Rama: Vlonjatë, dilni në votime!

Kam qenë ndër të parat gra që kam mbështetur ri-themelimin e PD-së, dhe më kujtohet ende skepticizmi që kishin disa nga drejtuesit e asaj kohe. Kjo ka qenë një periudhë e vështirë, por gjithmonë kam besuar duke qenë se angazhimi im dhe i familjes sime ka qenë i pasur dhe pa interesa personale, gjithmonë në shërbim të Partisë Demokratike dhe parimeve të saj.

Me këtë vendim, nuk mbyllet një histori, por hapet një mundësi e re për të reflektuar dhe për të menduar për të ardhmen. Unë do të jem gjithmonë mirënjohëse për çdo mundësi që më është dhënë, dhe shpresoj që rruga që do të marrë Partia Demokratike të jetë një rrugë e suksesit, e bashkimit dhe e fitores.

Ju faleminderit për çdo moment që kemi kaluar së bashku, dhe për gjithçka që kemi arritur bashkë. Ky është një moment i ri, një fazë tjetër për mua dhe për ju, dhe uroj që kjo parti të vazhdojë të përfaqësojë të mirën e çdo shqiptari./k.k

Të fundit

Vrau fqinjin 34-vjeçar, Ylber Jaku: Prindërit e mi u rropatën 20 vite për drejtësi

Ylber Jaku, autori i dyshuar i vrasjes së 34-vjeçarit Reshit Sallahu më 7 Maj në fshatin Plan të Hasit,...

Nga mensa e burgut në Greqi drejtonte bandën e tij, kush është shqiptari ‘Mondi’

Krimineli shqiptar Edmond Përbashaj, i njohur si “Mondi”, nuk shfaq asnjë shenjë pendese, teksa në qelinë e të cilit oficerët e policisë greke zbuluan...

Armina Mevlani del publikisht krah vjehrrit të saj, blogerja bën thirrje për ndryshim

Blogerja e njohur, Armina Mevlani, e cila është njëherësh edhe partnerja e djalit të ish-kryeministrit Sali Berisha, ka qëndruar larg vëmendjes politike dhe kjo...

Rudina Hajdari i jep fund lidhjes me regjisorin, çifti fshin çdo gjurmë të njëri-tjetrit

Në politikë, por jo vetëm, ajo shquhet për natyrën e drejtpërdrejtë që ka. E kemi fjalën për Rudina Hajdarin, që ndonëse disi më e...

Fansja kërcënon me padi 10 milionë dollarëshe: Receta e Meghan Markle më dogji trupin

Një fanse nga Shtetet e Bashkuara të Amerikës ka ngritur pretendime të rënda ndaj Meghan Markle dhe Netflix, pasi thotë se është djegur rëndë...

Lajme të tjera

Web TV