Sali Berisha i fokusuar tek programi elektoral, po përpiqet të kopjojë kundërshtarin e tij, Edi Ramën. Në vend të pasaportave europiane, doktori u premton shqiptarëve ilaçe europiane.
“Në programin e saj, PD do garantojë në mënyrë të padiskutueshme ilaçe të cilësisë që përdoren në vendet anëtare të BE, duke ndaluar me ligj futjen në Shqipëri të çdo medikamenti që nuk përdoret në dy vende të BE.”
Ndoshta doktorin e ka kapur nostalgjia për vitet si pedagog, ndërsa premtoi një fakuktet të dytë mjekësie dhe dyfishim pagash për mjekët e infermierët.
“Në këtë kontekst, shtimi i mjekëve, hapja e një fakulteti të dytë mjekësie me qëllim për të kapur sa më shpejt standardin evropian në mjekë për frymë, rikonstruksioni apo ndërtimi i spitaleve të reja do jenë objektiva imediate të PD.
Por, sistemi shëndetësor, i cili nga të gjitha sistemet ka pësuar hemorragjinë më të madhe, nuk do mund të qëndrojë pa dyfishuar rrogat e mjekëve dhe infermierëve në Shqipëri si kusht themelor që në Shqipëri, mjekët të qëndrojnë.”/K.K
