Presidentja e Kosovës Vjosa Osmani ka kundështuar kërkesën e entit rregullator të energjisë në Kosovë për rritjen e çmimit të energjisë. Aktualisht në Kosovë, konsumatorët që konsumojnë deri 800 kilovat në muaj, paguajnë 7.79 cent për kilovat ndërsa sipas propozimit çmimi i ri duhet të jetë 8.96 cent.
Presidentja e Kosovës Vjosa Osmani ka kundështuar kërkesën e entit rregullator të energjisë në Kosovë për rritjen e çmimit të energjisë.
Osmani njoftoi se argumentet e entit u paraqitën edhe në Presidencën e Kosovës dhe njofton se në emër të institucionit e kundërshton atë.
Presidentja e Kosovës thotë se propozimi “është në kundërshtim me kornizën ligjore që e obligon ZRRE-në të përkujdeset për mbrojtjen e konsumatorit dhe injoron situatën ekonomike dhe aspektin e mirëqenies në vend”.
Enti rregullator i energjisë së Kosovës ka propozuar rritjen e çmimit të energjisë duke nisur që nga data 1 Prill. Aktualisht në Kosovë, konsumatorët që konsumojnë deri 800 kilovat në muaj, paguajnë 7.79 cent për kilovat ndërsa sipas propozimit çmimi i ri duhet të jetë 8.96 cent.
Ndryshimi i çmimit është në tagrin e zyrës së rregullatorit të energjise të kosovës, i cili shprehet çdo vit me propozime. Rritja sipas këtij institucioni, këtë vit është e domosdoshme për shkak të uljes së prodhimit dhe rritjes së konsumit si dhe varësisë nga çmimet e larta të importit./k.k
