Sekretari i Thesarit të Shteteve të Bashkuara, Scott Bessent, mund të jetë gati të largohet nga administrata Trump.
Këtë e tha, gjatë një paraqitjeje në Morning Joe të Msnbc, bashkëpunëtorja Stephanie Ruhle. Besueshmëria e Bessent u vu në dyshim pas lançimit të tarifave të kërkuara nga presidenti Trump, të cilat shkaktuan një rënie të madhe të tregjeve financiare globale.
Disa burime mendojnë se Bessent mund të jetë duke kërkuar një mundësi për të kaluar në Rezervën Federale, duke qenë i vetëdijshëm që pozita aktuale do të rrezikonte gjithnjë e më shumë reputacionin e tij.
Thashethemet e shtypit thonë se Bessent është në konflikt me Trump, i cili nuk pranon këshillat e tij. Ndërsa manjati vazhdon të mbrojë politikat e tij tregtare si një formë “hakmarrjeje ekonomike” kundër shteteve që, sipas tij, kanë shfrytëzuar SHBA-në, sekretari është më i kujdesshëm, duke qenë i vetëdijshëm për rreziqet që lidhen me një përshkallëzim të mundshëm./K.K
