Edhe pse jemi zyrtarisht në stinën e pranverë, disa zona në Shqipëri janë zbardhur nga dëbora.
Gjatë natës kanë vazhduar reshjet e dëborës në Veri dhe Juglindje të venditpa shkaktuar probleme me qarkullimin.Temperaturat kanë shkuar deri në -9 °C në zonat malore.
Reshje dëbore ka pasur në Valbonë, Bogë-Theth, Pukë-Fushë Arrëz-Kalimash, Qafë Mali-Fierzë, Klos-Peshkopi, Kukës-Ura Zapodit, Kukës-Bushtricë, në Qafë-Thanë, Boboshticë-Dardhë, në Voskopojë,
Edhe qarku i Korçës u përfshi nga reshjet e dëborës, e cila arriti nga 10 deri në 25 cm në zonat malore. Aktualisht në akset kryesore nacionale e turistike, qarkullimi vijon normalisht.
Si rezultat e erës ka ndërprerje të përkohshme të energjisë elektrike në Njësinë Administrative Udënisht e Buçimas, Bashkia Pogradec, fshati Orman-Çiflig, fshati Dardhë si dhe fshatrat Dolenac, Mjaltas, Besmirë. Pa energji elektrike janë edhe 12 fshatrat e njësisë administrative Proptisht.
Mjetet borëpastruese kanë punuar për pastrimin e rrugëve nga dëbora dhe shpërndarjen e kripës.
ARRSh u bën thirrje drejtuesve të mjeteve të kenë kujdes të shtuar gjatë drejtimit të mjetit, për shkak të lagështisë në rrugë, të pajisen me goma dimërore dhe zinxhir kur udhëtojnë drejt akseve me prezencë dëbore.// S,M
