Partia Socialiste ditën e sotme do të hapë zyrtarisht fushatën për zgjedhjet e 11 Majit. Socialistët do të mblidhen në sheshin Skënderbej për një takim festiv për “Shqipërinë 2030” siç e quan kreu i PS-së, Edi Rama.
Kryeministri Rama është shprehur se hapja e fushatës më 12 Prill në orën 12:00 do të ketë si simbolikë 12 yjet në flamurin e Bashkimit Europian.
Për 140 vendet e Parlamentit të ardhshëm, këtë herë garimi do të jetë ndryshe nëpërmjet listave të mbyllura dhe atyre të hapura ku gara do të jetë edhe mes vetë kandidatëve.
Në 11 Maj të drejtë vote do të kenë 3.7 milionë votues brenda dhe jashtë vendit nga të cilët mbi 114 mijë janë votues për herë të parë. Mbi 245 mijë janë votuesit nga diaspora.
