Sulmet ajrore në Gazë nuk kanë të ndalur nga Izraeli, ku të paktën 17 persona kanë humbur jetën gjatë mëngjesit të sotëm.
Sipas mediave të huaja, mësohet se viktimat janë fëmijë dhe punëtorë shëndetësorë, ku gjithashtu në mesin e të vrarëve ishin dhjetë në Xhabalia, përfshirë tetë persona nga familja e njëjtë.
Ndërkohë, në qytetin jugor të Han Junisit kanë humbur jetën shtatë persona, përfshirë dhe gra shtatëzanë.
Sulmet ndodhën një ditë pasi dhjetëra persona u vranë nga sulmet e kryera nga Izraeli, shtet që po rrit presionin ndaj Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian, për të kthyer pengjet dhe për t’u çarmatosur./E.S
