Zegjine Çaushi, kandidatja socialiste në Fier ka vijuar ironinë me Gazment Bardhin, drejtues politik i PD në këtë qark. Në një video tjetër që ka ndarë në rrjete sociale, ajo i drejtohet me ironi duke i thënë se nuk di të bëjë fushatë por vetëm të bëjë postime me kallëzime.
Mes të tjerash, ajo i thotë se nuk mund të takojë njerëz pasi askush nuk ia hap derën. Në fund, Çaushi i përmend edhe numrin 5, numri që mban PS në fletën e votimit.
“Gazo mirë mëngjes yllo si mu gdhive sot? Se ti më rri vonë natën dhe më pi xhin me Gentin tek për tek me sytë me xixa. Populli thotë ata që shëtisin në 2 të natës nuk merren me punë të mira. Po fushatë do bësh Gazo apo vetëm postime me kallëzime. Njerëz do të takosh Gazo apo hiç se s’ka njeri që ta hap derën. Vetmia e madhe e Gazit, as luani nuk është kaq vetëm. Pesën Gazo mos harro”, shprehet ajo./ S.M
