Sekretari i Përgjithshëm i Partisë Demokratike, Flamur Noka ka zhvilluar takime me qytetarët në Korçë dhe ka parë nga afër gjendjen në tregun e fruta-perimeve. Noka shprehet se tregu ngjan me një shkretëtirë dhe tregtarët kanë mbledhur në arkat e tyre vetëm qindarka.
Ai thekson se pas 11 majit do të vendoset taksa e sheshtë 10% e barabartë me të gjithë dhe biznesi i vogël me 180 milionë lekë të ardhura do të ketë zero taksime. Noka u bëri thirrje tregtarëve që të votojnë numrin 1, si një zgjidhje për ekonominë dhe familjen e tyre.
“Pas 11 majit, shqiptarët me qeverinë e Partisë Demokratike do të kenë politika lehtësuese. Do të vendoset taksë e sheshtë 10% e barabartë me të gjithë. 10% taksa e sheshtë për pagën, 10% për çdo të ardhur mbi pagat. Biznesi i vogël mbi 180 milionë lek të ardhura do të ketë zero taksime. Profesionet e lira do të kenë ZERO TAKSIME. Do të krijohet prodhimi “Made in Albania”, për të konkuruar jo thjesht me tregun rajonal por me tregun ndërkombëtar.
Ky është vizioni i Partisë Demokratike. Ky është një premtim për qeverisjen e Partisë Demokratike, pas 11 majit. Të gjithë fermerët siç e patë, na dhanë fjalën. Do të votojnë 1-shin. Edhe tregtarët po ashtu, premtojnë që do të votojnë 1-shin, si zgjidhje për ta, për ekonominë e tyre, për familjet e tyre, për Korçën dhe të gjithë Shqipërinë. 1 shat!”, tha Noka./E.T
