Në një bashkëbisedim online me qytetarët, Kreu i Partisë Demokratike, Sali Berisha ka ftuar sërish kryeministrin Edi Rama për një debat publik.
Lideri i opozitës parlamentare theksoi se nuk e fton nga dëshira për t’i dhënë dorën, por për hir të transparencës ndaj qytetarëve.
Sipas Berishës, Rama jo vetëm që shmang debatin, por po pengon edhe kandidatët e tij të përballen me ata të opozitës.
“Ju e shihni se si Edi Rama refuzon në mënyrë të prerë debatin publik me Sali Berishën. Unë përsëri e ftoj atë. Jo se kam ndonjë dëshirë të veçantë t’i jap dorën, por e bëj këtë për hir të transparencës, para qytetarëve shqiptarë dhe interesit të tyre”.
“Ai ka bllokuar jo vetëm veten, por dhe kandidatët e tij për të dalë me kandidatët tanë, sepse nuk kanë çfarë të thonë për 12 vite keqeverisje”, u shpreh Berisha. m.p.
