Simone Inzaghi e pranoi me respekt humbjen 0-3 në derbin ndaj Milanit, në gjysmëfinalen e Kupës së Italisë. Trajneri i Interit u tregua i kujdesshëm duke pranuar kritikat.
“Në pjesën e parë duhej të ishim më të saktë, krijuam disa raste dhe nuk i shfrytëzuam për disa centimetra. Na vjen keq, sepse përballë tifozëve tanë donim me gjithë forcën të arrinim finalen, por nuk ia dolëm. Do të përpiqemi të ecim përpara në mënyrën më të mirë”.
I pyetur për atë që nuk funksionoi në pjesën e dytë, trajneri zikaltër u përgjigj: “Në pjesën e parë luajtëm më mirë, më pas provuam të ndryshonim diçka, por nuk kishim të njëjtën qartësi. Portieri i tyre bëri një pritje të shkëlqyer. Urime Milanit, që e meritoi finalen, do të vazhdojmë rrugën tonë”.
Në fund, një mesazh besimi për të ardhmen e afërt: “Na vjen keq të humbasim një derbi. Tani do ta analizojmë dhe do të përpiqemi të përmirësohemi si gjithmonë. Është hera e parë këtë sezon që humbim dy ndeshje radhazi. Do të jetë e rëndësishme të fshijmë gjithçka dhe të rifillojmë, jam i sigurt që do ta bëjmë”. m.p.
